Renova Vilanova de Arousa

12 ANOS DESPOIS SEGUIMOS SEN O CENTRO DE DÍA

Só uns días antes das eleccións municipais de 2011 o actual alcalde, acompañado da Conselleira de Servizos Sociais da Xunta, asegurou: «esperamos que el año que viene (2012) el Centro de Día pueda estar ya en funcionamiento»… «El coste de la construcción correrá a cargo de la Xunta de Galicia y supera los 800.000 euros: 750.000 destinados a la edificación y 90.000 al mobiliario». 12 anos despois dese anuncio Vilanova de Arousa segue sen Centro de Día, do que, por certo, sí disfrutan os veciños de Vilagarcía, Ribadumia, Sanxenxo, ou Cambados.

VILANOVA DE AROUSA TEN A PEOR REDE DE SANEAMENTO DA COMARCA

Numerosos informes técnicos de distintas administracións públicas e da empresa concesionaria veñen alertando dende hai moitos anos do deficiente estado da rede de saneamento, con tuberías de formigón rotas e totalmente obsoletas. Ademais, non existe separación de fecais porque o concello non invertiu nada nos últimos anos na posta a punto e substitución da rede de saneamento, polo que as augas fecais verten sen depurar en zonas de gran riqueza marisqueira e pesqueira, como As Patiñas ou O Castelete (San Miguel de Deiro).

SEN APENAS COMPENSACIÓNS ECONÓMICAS POR TRATAR A BASURA DO 40% DA PROVINCIA

Nos próximos meses vai entrar en funcionamento a nova planta de Sogama en Baión, onde vai ser “pretratada, fermentada e madurada” (así o di Sogama) arredor do 40% da basura de toda a provincia (22.000 toneladas anuais). Aos fortes olores que afectarán á parroquia de Baión (e outros lugares de Vilanova de Arousa) haberá que sumar o tránsito diario de centos de camións cargados coa basura da provincia. Frente a estes graves perxuizos, o equipo de goberno de Vilanova de Arousa só foi capaz de xestionar ante Sogama (dependente da Xunta) unha cantidade inferior aos 150.00€ que só servirán para uns asfaltados puntuais en Romarís e Fontenla.